Google ADS

Prokuroria afat deri më 19 janar për t’u shprehur rreth çështjes Tahiri

08:52 | 8 Janar 2019
Arbresh.info

Hetimet për ish-ministrin e Brendshëm, Saimir Tahiri, janë veçuar nga ana e 3 prokurorëve të çështjes.

Për Tahirin, Prokuroria ka afat deri më 19 janar për t’u shprehur. Në dosjen e organit të akuzës flitet për bashkëpunim të grupit kriminal “Habilaj” me ish-ministrin e Brendshëm, Saimir Tahiri, i cili është nën hetim prej më shumë se një vit e tre muaj.

Vendimmarrja për Tahirin ka mbetur peng i përgjigjes së dy letërporosive nga Italia dhe Mali i Zi.

Nëpërmjet njërës prej letërporosive pritet informacion lidhur me një udhëtim të familjarëve të Tahirit nga Shqipëria drejt Italisë, në korrik të 2014, për faktin se në të njëjtin avion me të, si në vajtje, ashtu edhe kthim, ka udhëtuar edhe Moisi Habilaj.
Letërporosia pritet t’i japë përgjigje pyetjes nëse udhëtimi ka qenë rastësor apo ka njohje të afërta mes familjarëve të ish-ministrit dhe vëllezërve Habilaj, marrëdhënie që në fakt janë mohuar nga Tahiri./panorama

 

Shpërndaje në rrjete sociale

Lajmet më të lexuara

Të ngjashme

Foto lajm